“Сантос” ҳужумчиси Неймар 2013 йили нима учун “Реал Мадрид”га эмас, “Барселона”га ўтгани ҳақида гапирди.
“Ўшанда ‘Реал Мадрид‘ ‘Барселона‘га нисбатан 3 баравар кўп пул таклиф қилганди. Улар менга истаган нарсамни беришларини маълум қилишганди. Бироқ мени юрагим фақат ‘Барселона‘ дерди.
‘Барса‘ сафида мен учун афсона бўлган Роналдиньо ўйнаганди. Шунингдек, мени орзум Месси билан бир жамоада ҳаракат қилиш эди. Шу сабабли мен Каталония клубини танлаганман”, — деди Неймар.
Маълумот учун, “Барселона” бразилиялик футболчини 88 млн еврога сотиб олганди. Футболчи каталонияликлар сафида 2017 йилгача фаолият олиб борди.
