Бразилиялик ҳужумчи Неймар “Сантос”га қайтганидан сўнг илк голини урди.
Футболчи “Сантос” ва “Агуа Санта” ўртасидаги учрашувнинг 14-дақиқасида пенальтидан ҳисобни очди. Учрашув мезбонларнинг 3:1 ҳисобидаги ғалабаси билан якунланди. Ушбу ғалабадан сўнг “Сантос” клубининг очколари сони 12 тага етди ва жамоа 7-ўринни эгаллаб турибди.
Неймар ва унинг жамоаси кейинги учрашувни 20 февраль куни ўтказади. Жамоага “Нороэсте” клуби рақиблик қилади.
Неймар профессионал футболчилик фаолияти давомида “Сантос”, “Барселона”, “ПСЖ” ва “Ал-Ҳилол” клубларида ўйнаган. Бразилия терма жамоаси сафида 33 ёшли вингер 128 та ўйинда майдонга тушиб, 79 та гол урган. Transfermarkt интернет порталидаги маълумотларга кўра, футболчининг бозор қиймати 15 миллион еврони ташкил этади.
