“Реал” бош мураббийи Карло Анчелотти Испания Суперкубоги финалида “Барселона”га (2:5) қарши ўйинда жамоа нега мағлубиятга учраганини айтди.
“Реал” умуман ўйнамади ва режалаштирилган тактика майдонда амалга ошмади. Ҳимояда ёмон ҳаракат қилдик, бу эса бизнинг ўйиндаги асосий муаммо бўлди. Улар жуда осон гол урди, биз эса юқори прессингда ҳам, чуқур ҳимояда ҳам яхши ўйнамадик. Танаффусда мен футболчиларга аввало футбол ўйнашга ҳаракат қилиш керак эканини айтдим, чунки биринчи бўлимда биз умуман ўйнай олмадик. Фақат узоқ узатмаларни амалга оширдик, лекин бу бизнинг режа эмас эди. Тактика футбол ўйнаш эди, аммо буни бажара олмадик. Мен футболчиларга ўйинни ютқазиш мумкинлигини, аммо биринчи бўлимдагидек хатолар эвазига эмаслигини айтдим, дея Анчелоттининг сўзларини келтиради Marca.
“Барселона” Испания Суперкубогининг энг совриндор жамоаси ҳисобланади. Каталонияликлар бу совринни 15 марта қўлга киритган. Иккинчи ўриндаги “Реал” ҳисобида 13 та шу турдаги соврин мавжуд.
Испания Суперкубоги ярим финалида “Реал” “Мальорка”ни 3:0 ҳисобида мағлубиятга учратган эди.
