Бразилия миллий терма жамоаси бош мураббийи Карло Анчелотти Жозе Моуриньонинг Мадриднинг “Реал” клуби бошқарувига қайтгани ҳақида ўз фикрлари билан ўртоқлашди. Италиялик мутахассис португалиялик ҳамкасбининг салоҳиятини юқори баҳолаб, собиқ жамоаси иштирокидаги ўйинларни ҳамон диққат билан кузатиб боришини яширмади.
“Моуриньо — буюк мураббий. Ишончим комилки, у бу ерда ажойиб натижаларга эришади. ‘Реал’ — менинг уйим, оилам, у мен учун ҳамма нарса. Мадридда жуда бахтли дамларни ўтказганман. Шунинг учун улай ўйнайдиган кунлари доим телевизорни ёқаман”, дея Анчелоттининг сўзларини келтирмоқда клуб матбуот хизмати.
Эслатиб ўтамиз, янги мавсумда Жозе Моуриньо бошқарувига ўтган “Реал” Испания Ла Лигасининг дастлабки учта турида юз фоизлик натижа қайд этиб, 9 очко жамғарди. Ҳозирда мадридликлар фақатгина тўплар нисбатига кўра “Барселона”дан кейин иккинчи ўринда бормоқда.
Маълумот учун, Карло Анчелотти 2013–2015 ҳамда 2021–2025-йилларда Мадрид клубини бошқариб, жамоа билан кўплаб нуфузли совринларни қўлга киритган. У 2025-йилнинг 12 майида Бразилия терма жамоаси устози этиб тайинланган эди. Куни кеча тажрибали мутахассис “Реал”нинг ўқув-машғулот базасига ташриф буюргани хабар қилинганди.
