Футбол бўйича Ўзбекистон Суперлигасининг 25-туридан ўрин олган баҳс 22 ноябрь, жума куни бўлиб ўтди.
Унда кумуш медаллар учун кураш олиб бораётган “Навбаҳор” жамоаси Про лигага тушиб кетмаслик учун ҳаракат қилаётган “Қизилқум” билан баҳс олиб борди.
1-бўлимнинг ҳакам томонидан қўшиб берилган дақиқалари ўтаётган вақтда наманганликлар пенальти ишлаб олди. Жамшид Искандеров ундан унумли фойдаланиб ҳисобни очди.
2-бўлимнинг 57-дақиқасига келиб эса Сияваш Ҳақназари орадаги фарқни иккитага оширди. 5 дақиқа ўтгач Бобомурод Бозоров ҳисобни қисқартирди – 1:2. 69 дақиқага келиб эса Йован Жокич гол уриб, жамоаси устунлигини таъминлади.
Ўйин сўнгига келиб эса яна иккита гол урилди. 87 дақиқада Тома Табатадзе, 90+5 дақиқада эса Саидазамат Мирсаидов дарвозага тўп киритиб, ўйинда йирик ҳисоб бўлишига ҳисса қўшди.
Шундай қилиб, “Навбаҳор” очколари сонини 42 тага етказиб, 3-ўринга кўтарилиб олди. Навоийликлар эса 27 очко билан 9 ўринда турибди.
Суперлига
25-тур
22 ноябрь, жума
“Қизилқум” — “Навбаҳор” 1:5
Голлар: 0:1 — Жамшид Искандеров, 45+4 пен, 0:2 — Сияваш Ҳақназари, 57, 1:2 — Бобомурод Бозоров, 62, 1:3 — Йован Жокич, 69, 1:4 — Тома Табатадзе, 87, 1:5 — Саидазамат Мирсаидов, 90+5.
“Қизилқум”: 12. Робертс Озолс, 6.Асрор Ғофуров, 11.Акаки Шулая, 13.Николай Тарасов, 14.Файзулла Қамбаров, 17.Муҳаммадали Ғиёсов, 18.Бахтиёр Қосимов (8.Гиорги Кухианидзе, 46), 23.Самандар Шукриллаев, 71.Жамолиддин Убайдуллоев, 77.Файзуллобек Жуманқўзиев (22.Шаҳзодбек Раҳматуллаев, 46), 79.Диёр Раҳматуллоев (20.Бобомурод Бозоров, 62).
“Навбаҳор”: 18.Элдорбек Суюнов, 4.Аброр Каримов, 8.Сиёвуш Ҳақназарий (17.Русланбек Жиянов, 71), 10.Жамшид Искандеров (88.Асадбек Жўрабоев, 86), 12.Саидазамат Мирсаидов, 13.Филип Иванович, 14.Жамшид Болтабоев, 21.Гиорги Никабадзе (22.Тома Табатадзе, 71), 23.Йован Жокич, 27.Жаҳонгир Турсунов (9.Одилжон Ҳамробеков, 78), 55.Комилжон Тожиддинов.
