Россиянинг Ленинград вилоятида 48 ёшли ўзбекистонлик эркак машинасида пиёдани босиб кетди. Бу ҳақда 78.ru хабар берди.
Ҳодиса 27 октябрь куни Волхов тумани “Подъезд Новая Ладога” автойўлининг ёритилмаган қисмида содир бўлган. Ўзбекистон фуқароси маҳаллий вақт билан соат 21:15 да Daewoo Matiz автомобилида 37 ёшли эркакни уриб юборган. Жабрланувчи олган тан жароҳатлари оқибатида воқеа жойида ҳалок бўлган. Ҳолат юзасидан жиноят иши қўзғатилган.
Ленинградда Ўзбекистон фуқароси иштирокидаги шу каби ҳолат 11 октябрь куни ҳам содир бўлганди. Ўшанда 28 ёшли ўзбекистонлик Chevrolet Cruze автомобилида йўлнинг қатнов қисмида 50 ёшли эркакни белгиланган пиёдалар ўтиш жойидан ташқарида уриб юборган. Ҳодиса тафсилотлари полиция томонидан ўрганилмоқда.
