“Реал”нинг собиқ бош мураббийи Зинедин Зидан “Манчестер Юнайтед”ни бошқариши мумкин.
The Independent хабарига кўра, Ineos (“Манчестер Юнайтед” клубининг хўжайинларидан бири) нинг спорт сектори бош директори Жан-Клод Блан франциялик мутахассис Зинедин Зидан билан доимий алоқада.
Қайд этилишича, Блан ҳам “Манчестер Юнайтед” клуби хўжайини Жим Ретклифф каби “Реал”нинг собиқ устозига анчадан бери мухлислик қилиб келган.
51 ёшли франциялик мутахассис 2021 йилнинг ёзидан бери ишсиз қолмоқда. “Реал Мадрид” клубини тарк этгач, мураббий бошқа клублар таклифини кўриб чиқмади.
Аввалроқ мутахассис Франция термасини бошқаришини хоҳлаётганини маълум қилганди.
Эслатиб ўтамиз, Зинедин Зидан “Реал”ни 2016—2018 ва 2019—2021 йиллар давомида бошқарган. Франциялик мураббий “қироллик клуби” билан биргаликда икки карра Испания чемпиони, икки карра Испания Суперкубоги ва уч карра Чемпионлар лигаси ғолиби бўлган.
