АҚШ собиқ президенти Дональд Трамп Фултон округи қамоқхонасида тушган сурати (магшот) ортидан 7,1 миллион доллар ишлаб топди. Бу ҳақда Politico хабар берди.
Трамп мазкур сурати туширилган туширилган эсдалик совғаларини сотиш орқали хайрия сифатида 7 миллион доллардан ортиқ маблағ йиғган. Сиёсатчи 25 август куни расмий ҳибсга олиш вақтида Жоржия штати қамоқхонасида суратга тушганди.
Трампнинг сайловолди кампанияси ўтган жума ҳолатига кўра, тегишли сотувлардан тахминан 4,18 миллион доллар йиғганди. Ҳозирда сиёсатчи сайловолди кампанияси учун “даромад” сифатида ўзининг “тарихий” сурати туширилган футболкалар, стикерлар, плакатлар ва бошқа сувенирларни сотмоқда. Маҳсулотларнинг нархи 12 дан 34 долларгача баҳоланган.
Охирги уч ҳафта ичида Трамп сайлов учун 20 миллион долларга яқин маблағ йиғди. Бу Трамп кампанияси жорий йилнинг дастлабки етти ойида тўплаган кўрсаткичнинг ярмидан кўпи”, — дейди Politico.
