«Дерби Каунти» бош мураббийи Уэйн Руни «Бёрнли» жамоасини бошқариши мумкин.
The Sun’нинг хабарига кўра, «Бёрнли» раҳбарияти Руни жамоани жонлантиришга ёрдам беради, деб ҳисобламоқда.
Ҳозирда жамоа Англия чемпионатида 31 очко тўплаган ҳолда 17-ўринда бормоқда. «Бёрнли»ни хавфли зонадан атиги 2 очко ажратиб турибди.
Аввалроқ «Бёрнли» жамоада 9 йил фаолият юритган Шон Дайчни истеъфога чиқарганди.
Руни «Дерби Каунти»ни 2021 йил январь ойидан буён бошқариб келмоқда. Унинг қўл остида жамоа муддатидан аввал Чемпионшипни тарк этди. Мавсум давомида «Дерби» молиявий қийинчиликларни бошидан кечирмоқда. Ушбу мавсум клубда ташқи бошқарув жорий этилди. Клуб хўжайинлари харидор топишга уринмоқда, аммо ҳозирча улар бунга эришгани йўқ. Молиявий қоидаларни бузганлик учун клубдан 21 очко олиб ташланган.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
