20 июнь куни тахминан соат 04:30 ларда Сурхондарёда юк машинаси ва Nexia ўртасида содир бўлган йўл-транспорт ҳодисаси оқибатида бир киши ҳалок бўлди. Бу ҳақда вилояти ИИБ ЙҲХБ ахборот хизмати хабар берди.
Маълум қилинишича, Музработ тумани «Сополлитепа» маҳалласи ҳудудидан ўтувчи маҳаллий аҳамиятга эга 4К-626 автомобиль йўлининг 30 километрида 23 ёшли Б.Р бошқарувида бўлган давлат рақам белгисиз Nexia-3 ўзига қарама-қарши йўналишда ҳаракатланиб келаётган Ў.Д бошқарувида бўлган Shacman русумли юк автомашинасининг йўлига чиқиб кетиши оқибатида тўқнашув содир этган.
Авария оқибатида Nexia автомашинасида ёнғин чиқиб, ҳайдовчиси воқеа жойида вафот этган.
Аввалроқ Сурхондарёда ҳайдовчининг ухлаб қолиши оқибатида Damas тут дарахтига бориб урилиши оқибатида йўловчи вафот этгани тўғрисида хабар берилганди. Мавзуга доир:- Сурхондарёда бир йил давомида 15 маротаба қоида бузган ҳайдовчи 17 ёшли ўсмирнинг ҳаётига зомин бўлди
- Сурхондарёда тезликни меъёрдан оширган Spark ҳайдовчиси пиёдани уриб юборди. Жабрланувчи вафот этди
- Сурхондарёда Damas ва «КамАЗ» тўқнашувида икки киши ҳалок бўлди, 8 ёшли қиз ва яна бир киши оғир тан жароҳатлари олди
