Американинг Boston Dynamics роботсозлик компанияси юкларни автоматик тарзда юклашга ёрдам берадиган янги қурилма — Stretch роботини тақдим этди. Юк ортувчининг тақдимоти тасвирланган видеони муҳандислар ўзларининг YouTube’даги каналига жойлаштирган.
Ушбу универсал мобил робот юкларни қўлларидаги сўрғичлар ёрдамида ташийди. Қурилмадан омборларда ва товарларни тақсимлаш марказларида фойдаланиш мумкин.
Stretch’нинг мобиллиги роботнинг товар ортиладиган ёки тушириладиган ҳар қандай ҳудудда бемалол ҳаракатланишини таъминлайди. Компаниядагиларнинг таъкидлашича, тез орада у шу каби мақсадларда фойдаланиб келинаётган қиммат турувчи қурилмалар ўрнини эгаллайди.
Stretch исталган йўналишдаги манёврларни амалга ошириши, шунингдек, турли тўсиқларни босиб ўтиши мумкин. Бундан ташқари, унинг компьютер «кўриш» технологияси ҳам мавжуд бўлиб, бунинг ёрдамида робот маълум бир мижознинг юкини аниқлай олади.
Аввалроқ Hyundai роботлар ишлаб чиқарувчи Boston Dynamics’нинг асосий эгасига айлангани тўғрисида хабар берилганди. Мавзуга доир:
