Нозик таъмни қадрловчилар учун: лимонли мусс-чизкейк рецепти

Сархил цитрус меванинг енгил ифори, крем-пишлоқнинг нозик таъми, печеньенинг майин қирсиллаши — мазкур ширинликда уйғунлашади.

Керакли маҳсулотлар:

• ширин крекер ёки печенье — 100 г;
• лимон — 1 та;
• крем-пишлоқ — 360 г;
• шакар кукуни — 130 г;
• қаймоқ — 120 мл;
• туз— бир чимдим.

Безаш учун:

• лимон — 3-4 бўлак;
• ялпиз япроғи — 1-2 дона.

Тайёрланиш жараёни:

1. Крекерларни майдалаб, 2 ош қошиғини олиб қўйинг. Қолганини стаканга солинг.
2. Лимон шарбатини сиқиб олинг. Крем-пишлоқни миксер ёрдамида кўпиртиринг. Унга шакар кукуни, лимон шарбати, туз солиб, силлиқ масса ҳосил бўлгунча миксерлашда давом этинг.
3. Музлаткичдаги қаймоқни ҳам миксерда кўпиртириб, эҳтиёткорлик билан пишлоқли массага қўшинг.
4. Тайёр муссни печенье солинган стаканларга қуйинг. Ширинликни 1 соатга музлаткичга қўйинг.
5. Олиб қўйилган 2 ош қошиқ печеньени мусс устига сепинг. Шунингдек, лимон бўлаклари ва ялпиз япроғи билан безанг.

Ёқимли иштаҳа! Мавзуга доир: 

• Йогурт, кўк чой ва малинадан хуштаъм смузи тайёрлаймиз
• Маршмеллоу ширинлигини уй шароитида тайёрлаб кўринг
• Қуюлтирилган сут қўшиб, хуштаъм коктейль тайёрлаймиз
• Нонуштага пишлоқли печенье тайёрлаб кўринг
• Витаминлар кони бўлган наъматакдан 3 та энг яхши рецепт