Ливияда 15 йил ичида илк бор қор ёғди

Ливия шимоли-шарқида 15 йил ичида илк бор қор ёғди ва ҳаво ҳарорати 0 даражадан ҳам паст ҳолат қайд этилди. Бу ҳақда «Korrespondent.net» хабар берган.

Маҳаллий аҳоли учун қор ҳақиқий байрамга айланган, сабаби мамлакатда охирги марта бундан 15 йил аввал — 2006 йилда қор ёғган эди.

Ливиядаги қор айниқса болаларни хурсанд қилди, улар ушбу ёғингарчиликдан қувониб, қорбўрон ўйнаб, қорбоболар ясамоқда.

Метеорологлар қорнинг яна икки кун давомида эриб кетмасдан сақланиб туриши мумкинлигини прогноз қилган.

Аввал Грецияда Афина ва пойтахт атрофидаги ҳудудларда ҳаво ҳарорати пасайгани ҳамда қор ёғгани, оқибатда коронавирусга қарши одамларни эмлаш ишлари тўхтаб қолгани ҳақида хабар берилганди.

Мавзуга доир: Греция ҳам қалин қор билан қопланди (фото)