Британиянинг 36 ёшли шаҳзодаси Гарри ва унинг рафиқаси Меган Маркл иккинчи маротаба ота-она бўлади. Бу ҳақда оиланинг расмий вакили People журналига хабар берган, деб ёзади Esquire.
Арчининг ака бўлишини тасдиқлаган вакил герцог ва герцогиня иккинчи марта фарзандли бўлишидан жуда ҳам хурсанд эканини қўшимча қилган. Боланинг дунёга келиш санаси ва жинси ҳали маълум эмас. Ушбу эълондан ташқари, қироллик оиласининг суратчиси Мисан Харриман ҳам жуфтликнинг янги оқ-қора сурати билан бўлишган.
Time журналида ушбу хабардан Елизавета II, унинг эри Филипп ва ўғли шаҳзода Чарльз ҳамда бутун оила шод бўлгани ва уларга энг яхши тилакларни тилаши ҳақида ёзилган.
Шаҳзода Гарри ва Меган Маркл 2018 йил 19 май куни турмуш қурган, 2019 йилнинг 6 майида эса илк марта фарзандли бўлган ва унга Арчи деб исм қўйган. 2020 йилда молиявий мустақил бўлишга қарор қилган жуфтлик Канадага кейин, АҚШга кўчиб ўтган.
2020 йилнинг кузида Меган The New York Times нашридаги мақоласида, июль ойида боласи тушиб қолганини маълум қилган. Мавзуга доир:- Фото: Лос-Анжелесдаги шаҳзода Гарри ва Меган Маркл яшаётган уй
- Меган Маркл ва шаҳзода Гарри ҳақида «Қасрдан қочиш» номли фильми суратга олинади
- Шаҳзодани қаердан топиш мумкин? Қироллик оиласи вакиллари турмуш ўртоғи билан қандай танишган?
- Меган Маркл ва шаҳзода Гарри талабаларга сюрприз уюштириб, уларнинг онлайн машғулотида пайдо бўлди
