Ижтимоий тармоқларда Бахтиёр исмли самарқандлик автоблогернинг Lacetti русумли автомашинасига ўт қўйилгани ҳақида хабарлар тарқалди.
Қайд этилишича, унга қарши ҳаракатлар бундан икки ҳафта олдин бошланган. Блогер ўша вақт машинасининг ғилдираклари икки марта ўткир тиғ билан тешилганини айтган.
Маълум қилинишича, 2020 йил 16 декабрь кечаси, тахминан, соат 02:30 лар атрофида кўча ҳовлисида турган Lacetti русумли транспорт воситасига ўт қўйилган.
Бу унинг автоблогерлик фаолияти билан боғлиқ ҳодиса бўлиши мумкинлиги айтилмоқда.
Аввалроқ Тошкент туманида Malibu-2’ни ёқиб юборган аёл қўлга олингани, Фарғонада унаштируви бекор қилинган йигит севган қизининг уйини ёқиб юборгани ҳамда Тошкентда қашқадарёлик қиз уйланаман деб ваъдасида турмаган йигитнинг Gentra’сини ёқиб юборгани ҳақида хабар берилганди.
