Лаваш хамири ва қиймадан иштаҳаочар таом тайёрланг

Энди фастфуд таомларини сотиб олишнинг кераги йўқ. Шунчаки лаваш хамиридан уй шароитида иштаҳаочар егулик тайёрлаш мумкин.

Керакли маҳсулотлар:

• Лаваш хамири − 2 дона;
• Қийма гўшти − 300-400 грамм;
• Пишлоқ − 200 грамм;
• Пиёз − 1 дона;
• Саримсоқ − 1 бўлак;
• Тухум − 1 дона;
• Кўкат, туз ва зираворлар.

Тайёрланиш жараёни:

Пиёз ва саримсоқ майда тўғралади. Қийма гўштига тўғралган маҳсулотлар, кўкат, туз ва зираворлар солиб, яхшилаб аралаштирилади. Сўнгра лаваш хамири тенг иккига бўлиниб, юзасига қиймали аралашма бир текисда ёйиб чиқилади.

Қийма устига қирғичдан ўтказилган пишлоқ жойлаштирилади.

Аввал хамирнинг икки чети букланади ва рулет шаклида думалоқланади. Шунда хамир четидан масаллиқлар чиқиб кетмайди.

Барча хамирлар шу тарзда тайёрлаб олинади.

Хамирнинг юзаси юмшоқ ва қизариб пишиши учун тухум сариғи суртилади.

Печга 180 даражага, ўрта қисмга қўйилади. Агар иложи бўлса, дастлабки 15 дақиқа давомида лаваш егуликларни қандолат қоғозда ўраб қўйиш мумкин. Шунда егуликнинг гўшти янада мазали пишади, шунингдек, лаваш хамири қаттиқ бўлмайди. Егулик яна 35 дақиқадан сўнг иссиқ ҳолатида истеъмол қилиш мумкин. Ёқимли иштаҳа!

Мавзуга доир:

• Тушликка тез тайёр бўладиган мазали кесадиля тайёрлаб кўринг
• Мазали шаурма егулигини товада пишириб кўрамиз
• Оддий ва тўйимли: нонуштага колбаса ва пишлоқли рулет тайёрлаймиз
• Ўз қўлингиз билан туркча донер кабоб тайёрлаб кўринг