Дунё бўйича коронавирус инфекцияси аниқланганлар сони 10 август ҳолатига кўра, 20 миллиондан ошди. Бу ҳақда Worldometers сайтида келтирилган маълумот гувоҳлик бермоқда.
Унга кўра, дунёда ушбу вирус билан касалланганлар сони 20 миллион 44 минг нафарни ташкил этмоқда. Шундан 12 миллион 914 киши тузалган, 734 минг нафари вафот этган.
Сўнгги суткада коронавирусга чалиниш бўйича қарийб 220 мингта янги ҳолат аниқланган. Янги касалланиш ҳолатларининг энг кўпи Ҳиндистон (62 минг киши), АҚШ (қарийб 48 минг киши) ва Бразилияда (22 минг киши) қайд этилган. Шу вақт давомида 4798 киши коронавирус асоратларидан вафот этган.
Коронавирус ташхиси қўйилганлар сони бўйича АҚШ биринчи ўринда бўлиб, коронавирусга чалинганлар сони 5 миллиондан ошган. Кейинги ўринларни 3 миллиондан ортиқ киши билан Бразилия, 2 миллиондан ортиқ киши билан Ҳиндистон эгаллаган.
Эслатиб ўтамиз, дунёда коронавирусга чалинганлар сони 3 август куни 18 миллионга, 7 август куни 19 миллионга етганди. Мавзуга доир:
