АҚШ президенти Дональд Трампнинг маслаҳатчиси сифатидаги фаолияти давомида Иванка Трамп, расмий либосларда кўриниш беришни маъқул кўради, деб ёзади Harper’s Bazaar. Аввал мода бизнеси билан шуғулланганига қарамай, Иванка баъзида бошқа маликалардан ва обрўли хонимлар образидан илҳомланади, тўғрироғи кўчиради.
Масалан, Иванка Emilia Wickstead брендидан кийган оқ тугмали қора кўйлакни Меган Маркл Австралияга ташрифи доирасида кийганди. Тасодифни қарангки, Америка президенти арзандасининг диди Кейт Миддлтон билан бир хил экан. Буни Beulah London брендидан танланган яшил кўйлакдан ҳам билса бўлади. Шунингдек, Иванка қиролича Максима кийган либослардан ҳам бир эмас икки марта айни образ такрорлаган.
