Американинг Флорида штатида жойлашган SpaceX компаниясига тегишли майдонда ёнғин содир бўлди, деб хабар беради «Korrespondent.net».
Маълумотларга кўра, ёнғин Starship космик кемасининг прототипи синовдан ўтказиладиган ҳудудда содир бўлган.
«Коко шаҳридаги SpaceX майдонида ёнғин содир бўлди, ўт ўчирувчиларнинг тезкор ҳаракати билан хавф бартараф этилди», — дейди SpaceX матбуот котиби Жеймс Глисон.
Аввалроқ, SpaceX глобал интернет учун учирилган учта сунъий йўлдошни йўқотиб қўйгани ҳақида хабарлар тарқалган эди. Кейинроқ, Starlink тизими орқали учирилган 60 та сунъий йўлдошнинг саккизтаси бошқарувсиз қолгани маълум бўлди.
