Бир ойлик футбол байрами якунига етди — 10 июль, якшанба оқшомида футбол бўйича 2016 йилги Европа чемпионати финал учрашуви бўлиб ўтди.
Финалгача бўлган олти учрашувнинг бештасида асосий вақтда дуранг ўйнаган Португалия мусобақа мезбони Францияга қарши майдонга тушди. Бироқ 24-дақиқада ўз сардори — Криштиану Роналдусиз қолди (унга атайлаб жароҳат етказишдими ёки?..).
Португалия финалнинг асосий вақтида ҳам дуранг ўйнади. Бироқ қўшимча дақиқаларда ҳал қилувчи голни ура олди — захирадан майдонга тушган ҳужумчи Эдер узоқ масофадан йўллаган аниқ зарбаси билан Португалия қаҳрамонига айланди.
Роналдунинг кўз ёшлари билан бошланиб, нафақат француз футболчилари, балки бутун Франциянинг кўз ёшлари билан тугаган ўйин фоторепортажи билан қуйида танишишингиз мумкин.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
