«Барселона» ҳужумчиси Лионель Месси жароҳати борлигига қарамай, клуб машғулотларига қатнашда давом этаяпти. Бу ҳақда «Barcablaugranes.com» маълумотига асосланиб, «Arena.uz» хабар бермоқда.
Бу ишни қилишда аргентиналик ҳамкасбига жамоадоши Луис Суарес кўмаклашаяпти. Месси жамоадошларининг қўллаб-қувватлашини ҳис қилиб туриши учун Уругвай термаси форварди уни машғулотларга олиб келмоқда ва қайтариб олиб кетмоқда.
Эслатиб ўтамиз, Месси Испания Ла Лигаси 6-туридаги «Лас-Пальмас» билан учрашув (2:1) вақтида жароҳат олганди. Энди у саккиз ҳафта майдонга туша олмайди (бу вақт ичида у 13 учрашувни ўтказиб юборади: 9 та клуб ўйини ва 4 та терма жамоа ўйинлари). Леонинг «Реал»га қарши 21 ноябрь куни ўтказиладиган «Эль-класико» ўйинигача сафга қайтиши тахмин қилинмоқда.
