Украинанинг Житомир вилояти Новоград-Волинский шаҳри мэри Владимир Загривий президент Пётр Порошенкога мамлакат номини Украина-Русь қилиб ўзгартириш таклифи билан мактуб йўллади, деб хабар бермоқда Meduza.
Новоград-Волинский шаҳар кенгаши сайтидаги хабарда Украина-Русь номи «украин халқидан унинг шонли тарихи билан биргаликда ўғриланиб, бир неча аср олдин ҳозирги зўравон давлат томонидан ўзлаштирилган»и ёзилган.
Эслатиб ўтамиз, июль ойи бошида Украина радикал партиясидан депутат Оксана Корчинская Олий Радага Россия Федерациясини Россия деб аташни тақиқлаш тўғрисидаги қонун лойиҳасини киритган эди.
