Yurak kasalliklari ko‘pincha sekin-astalik bilan yillar davomida rivojlanadi va dastlabki belgilari deyarli sezilmaydi. Biroq ayrim simptomlar yurak faoliyatida jiddiy muammolar borligidan darak berishi mumkin. Quyida qanday belgilar kuzatilganda elektrokardiogramma va exokardiografiya tekshiruvlari o‘tkazish kerakligi haqida ma’lumot beramiz.
Yurak faoliyati bilan bog‘liq muammolar turli ko‘rinishda — aritmiya, bosh aylanishi, bosh va ko‘krak qafasidagi og‘riqlar, qon bosimning ko‘tarilishi va kuchli zaiflik bilan namoyon bo‘lishi mumkin. ba’zi shaxslarda esa jiddiy yurak kasalliklari hech qanday belgi bermay rivojlanib boradi va to‘satdan o‘z ta’sirini ko‘rsatadi. Ko‘pincha insonlar kasallikning mavjudligi haqida faqat kardiologik tekshiruvdan so‘ng bilib qolishadi.
Barcha yurak xastaligiga chalingan bemorlarni tekshirishning majburiy qismi elektrokardiogramma (EKG) bo‘lib, qo‘shimcha ravishda exokardiyografiya (yurakning ultratovush tekshiruvi) ham o‘tkazilishi mumkin.
Yurakning UTT va EKG tekshiruvi qanchalik tez-tez bajarilishi kerak?
Odatda, elektrokardiogramma yiliga bir marta amalga oshiriladi. Agar salomatlikda muammolar mavjud bo‘lsa yoki EKG testi tez-tez talab qilinishi mumkin. Ko‘pincha odamlar jiddiy qabul qilmaydigan yuqori qon bosimi ham ana shunday tekshiruv uchun asos bo‘lishi mumkin. zero, ayni paytda gipertoniya butun dunyo bo‘ylab uchraydigan o‘limning asosiy sabablaridan biri bo‘lib kelmoqda. Uning paydo bo‘lishi yurak-qon tomir tizimi faoliyatida jiddiy muammolar borligidan darak beradi.
Yurakni UTT tekshiruvidan o‘tkazish quyidagi toifadagi bemorlarga tavsiya etiladi:
- Yurak-qon tomir kasalliklari bilan og‘rigan odamlar: masalan, yurak tomirlari kasalligi, yurak yetishmovchiligida kasallik dinamikasini kuzatish uchun har 6-12 oyda bir marta tekshiruvdan o‘tiladi;
- Keksa odamlar: yurak-qon tomir kasalliklari xavfi yoshga qarab ortib boradi. Keksalarga yiliga kamida bir marta UTT tekshiruvidan o‘tish tavsiya etiladi;
- Xavf omillari mavjud shaxslar: chekishga ruju qo‘yish, qandli diabet, gipertoniya va yuqori xolesterini mavjud insonlar yurak salomatligini muntazam ravishda kuzatib borishi talab etiladi. Bunday hollarda ultratovush tekshiruvi har 1-2 yilda bir marta belgilanadi.
EKG shifokorlarga nisbatan kamroq ma’lumot bersa-da, birlamchi tashxis qo‘yish uchun ham ishlatiladi.
- Simptomlar bo‘lmaganda: Agar sizda hech qanday shikoyat yoki xavf omillari bo‘lmasa, profilaktik tekshiruvning bir qismi sifatida yiliga bir marta EKG testida o‘tish mumkin;
- Alomatlar yoki xavf omillari bo‘lganda: Ko‘krak qafasidagi og‘riq, nafas olishning qiyinlashuvi yoki yuqori qon bosimi kuzatilganda EKG tekshiruvini muntazam o‘tkazish kerak (har 6 oyda);
- Kasallik holatida: yurak-qon tomir patologiyalari aniqlangan shaxslar shifokor ko‘rsatmasi bilan EKGdan o‘tishlari kerak (har 3-6 oyda bir marta).
Kardiogramma yurak ritmini qayd etadi, yurak ritmi, mushaklari va nerv signallarining o‘tkazuvchanligi aniqlaydi. Agar elektrokardiogramma natijalari qo‘shimcha tekshiruvlar zarurligini ko‘rsatsa, exokardiografiya buyuriladi.
Bunday tavsiyalar doimo shifokor tomonidan bemorning individual holatidan kelib chiqqan holda berilishi kerak. Muntazam tekshiruvlar esa kasalliklarni o‘z vaqtida aniqlashga va tezroq davolashni boshlashga yordam beradi.
Izoh (0)