Фаолиятида камчиликларга йўл қўйган 151 нафар айбдор шахсга нисбатан интизомий жазо чораси қўлланилган. Бу ҳақда АОКАда ўтказилган брифингда Давлат хизматини ривожлантириш агентлиги ахборот хизмати раҳбари маълум қилди.
Таъкидланишича, шундан 19 нафари билан меҳнат шартномаси бекор қилинган. Камбағалликни қисқартириш ва бандлик вазирлигининг ҳудудий бош бошқармалари билан ҳамкорликда 236 нафар айбдор шахсга нисбатан 401 миллион 900 минг сўм (401,9 млн сўм) маъмурий жарималар қўлланилган.
2025 йилнинг январь ва февраль ойларида республика ва маҳаллий ижро этувчи ҳокимият органларида фаолият юритаётган жами 7 944 нафар давлат хизматчилари профилактик тиббий кўрикдан ўтказилган.
Тиббиёт ходимларининг хулосалари асосида даволанишга эҳтиёжи мавжуд 1 827 нафар давлат хизматчилари учун зарур шарт-шароитлар яратиш чораларини кўриш бўйича республика ва маҳаллий ижро этувчи ҳокимият органларига тегишли хатлар юборилган.
Давлат хизматини ривожлантириш агентлиги томонидан 2024 йилда давлат фуқаролик хизматчиларининг ҳуқуқлари ва қонуний манфаатларига риоя этилиши билан боғлиқ ўрганишлар ўтказилди ва қатор таъсир чоралари қўлланилди.
Ўзбекистондаги давлат хизматчиларида коррупцияга нисбатан муросасиз муносабатни шакллантириш, уларга “ҳалоллик вакцинаси”ни сингдириш ҳамда бу борада превентив механизмларни жорий этиш мақсад қилинган. Бу жамоатчилик муҳокамасига қўйилган 2025 йилга мўлжалланган давлат дастури лойиҳасида кўзда тутилган.
Ўзбекистонда давлат хизматчиларининг коррупцияга мойиллигини текшириш амалиётини жорий этиш таклиф этилаётгани ҳақида аввалроқ Коррупцияга қарши курашиш агентлиги директори Акмал Бурҳонов маълум қилганди.
Изоҳ (0)