Ташқи меҳнат миграцияси агентлиги ConsultingUz ташкилоти билан ҳамкорликда Германиянинг Europa Park ташкилотига меҳмонхона ва гастрономия соҳалари учун фуқароларни Ausbildungга таклиф этмоқда. Бу ҳақда агентлик ахборот хизмати хабар бермоқда.
Маълумот учун, Ausbildung дастури бу – маълум касбга йўналтирилган, назарий ва амалий билимларни умумлаштирган ҳолда касбни чуқур ўргатадиган ва битирганлиги тўғрисида диплом берадиган Германия Меҳнат вазирлиги томонидан ташкил этилган дастур ҳисобланади.
Номзодлар учун талаблар:
- Мактаб шаҳодатномаси;
- Немис тилидан камида B1 (Geothe, Ö, TELC, ECL) даражадаги сертификат;
- Ёш чегараси 18-30 ёш.
Афзалликлари:
- Стипендия 950-1200 евро;
- Яшаш жойи топишга кўмак;
- Тиббий суғурта;
- Касбий таълимдан кейин кафолатланган иш жойи;
- Халқаро авиачипта ва аэропортдан трансфер. Рўйхатдан ўтиш.
Буюк Британия фермаларида мавсумий ишда бўлиб, Ўзбекистонга қайтиб келган фуқаролар учун инглиз тилини ўрганиш учун танлов эълон қилди. Танловдан ўтган 100 нафар иштирокчи 6 ой давомида бепул инглиз тили курсига жалб этилади. Танловда қатнашиш учун ушбу аризани тўлдириш лозим:
Шунингдек, Буюк Британия фермаларида мавсумий ишда бўлиб, Ўзбекистонга қайтган фуқаролар учун бизнес режаларини амалга оширишда техник кўмак кўрсатиш танлови ҳам эълон қилинади.
Танловнинг 8 нафар ғолиби ўз бизнес лойиҳалари учун 50 млн сўмгача грант маблағини ютиб олиши мумкин. Шунингдек, улар ўз бизнес режаларини муваффақиятли амалга ошириши учун Тошкент шаҳрида мутахассислар томонидан ўтказиладиган 1 кунлик тренингда иштирок этади.
Изоҳ (0)