Netflix компанияси ҳаммуассиси Рид Ҳастингс АҚШ президентлигига номзод Камала Ҳаррисни қўллаб-қувватлаб, унинг жамғармасига 7 миллион доллар ўтказиб берган. Бу ҳақда у ўзининг Х тармоғидаги саҳифасида маълум қилган.
Манбада айтилишича, Камала Ҳаррис учун ажратилган маблағлар АҚШдаги сайловолди тарғибот маблағларини назорат қилувчи А super PAC қўмитасига ўтказиб берилган. Қўмита эса бу бюджетни Ҳарриснинг сайлов компанияси учун тизимли равишда ажратиб боради.
Netflix ҳаммуассисиси Рид Ҳастингс вице-президент Камала Ҳарриснинг АҚШ президентлигига номзодини қатъий қўллаб-қувватлашини маълум қилган. У АҚШда бизнес ва тижорий фаолият учун катта шароитлар яратишига умид билдирган.
Хабарда айтилишича, 7 миллион долларлик хайрия Камала Ҳаррис фондига индивидуал таъминотчи томонидан ўтказиб берилган энг катта пакетдир. Эндиликда Netflix расмийси ҳаракати ортидан йирик брендлар вакилларининг Ҳаррис пойгасини қўллаб-қувватлашга қизиқиши ортган.
“Камала Ҳаррисни табриклайман. У учун энди ғалаба қозониш вақти келди”, деб ёзган Рид Ҳастингс Х тармоғидаги постида.
Камала Ҳарриснинг сайлов кампаниясини қўллаб-қувватлаш ҳаракати АҚШда кескин тус олган. Байден кетганидан кейин 24 соат ичида америкаликлар 81 миллион доллар хайрия қилган.
Маълумот ўрнида, Рид Ҳастингс 1997 йилда Netflix’га асос солган. 2023 йилда эса бош директор лавозимини тарк этган. Ҳозирда у Netflix бошқарув кенгашининг ижрочи раиси сифатида фаолият юритади.
Изоҳ (0)