“Болалар ва ота-оналар муносабатларидаги руҳий жароҳатлар жуда қайғули оқибатларга олиб келиши мумкин” — Шаҳноза Мирзиёева

Ўзбекистонда 1 июнь Халқаро болаларни ҳимоя қилиш куни сифатида кенг нишонланади.

Кун муносабати билан Ижтимоий ҳимоя миллий агентлиги директорининг биринчи ўринбосари, болаларни ижтимоий ҳимоя қилиш, ҳуқуқ ва манфаатларини таъминлаш масалалари бўйича масъул Шахноза Мирзиёева “Ота-оналар ва болалар ўртасидаги муносабатлар” мавзусидаги ижтимоий ролик ташаббуси билан чиқди. 

Ижтимоий ҳимоя миллий агентлиги фаолияти йил давомида болаларнинг девиант хулқ-атвори, уйдан қочиш ҳолатларига кўп учраган, болалар жиноятчилигининг ўсиши муаммоси ҳам ўрганилган. Таҳлиллар шуни кўрсатдики, аксарият ҳолларда бу салбий ҳодисаларнинг сабаби ота-оналар томонидан тўғри эътиборнинг етишмаслиги, оилада болани рад этиш, зўравонлик, оиладаги жанжаллар, болани тўлиқ назорат қилиш, уни шахсий маконидан маҳрум қилишдир.

“Агар бола эътибор, ғамхўрлик, меҳр ва бахтни уйидан топмаса, уларни бошқа жойдан қидиради. Кўпинча у ўзи истаган муносабатни кўчадан, шубҳали кишилар даврасида топади. Болалар ва ота-оналар муносабатларни руҳий жароҳатлар жуда қайғули оқибатларга олиб келиши мумкин... Биз кундалик фаолиятимизда бу ҳолатга тез-тез тўқнаш келамиз”, — дейди Шаҳноза Мирзиёева ўз Instagram саҳифасида. 

Видеороликда уй бола учун энг хавфсиз жой бўлиши кераклиги кўрсатиб берилган.