“Ҳизбуллоҳ” Исроил шимолидаги позицияларга ҳаво ҳужуми уюштирди

Ливандаги “Ҳизбуллоҳ” гуруҳи 11 май куни Исроил шимолидаги 6 та нишонга ҳаво ҳужуми уюштирган. Бу ҳақда Al Jazeera нашри хабар берди.

Манбада айтилишича, 11 май куни кечки пайт Исроил шимолида огоҳлантириш сигналлари чалинган. Қатор ҳудудларда ракета ҳужумлари кузатилган.

Исроил назорати остидаги Шеба ҳудудига фаол тарзда ҳужумлар ташкил этилгани маълум қилинган. Ливан жанубидаги Кфарчуба шаҳрида ҳам ҳужум кузатилган.

Бир қанча манбалар “Ҳизбуллоҳ” Исроилнинг Суммақа ҳудудига номаълум қуролдан зарба берганини ёзган. Расмийлар ҳодиса юзасидан ўрганиш давом этаётганини билдирган.

Al Jazeera нашри маълум қилишича, Ливандаги гуруҳ Жал ал-Аллам ҳудудидаги Исроил “жосус ускуналари”га зарба берган. Артиллерия снарядлари Рамя ҳудудига тушгани ҳақида хабар берилган.

“Ҳизбуллоҳ” ва Исроил қарама-қаршилиги 2023 йилнинг октябрь ойидан бери давом этмоқда. Икки мамлакат чегарасида ҳаво ҳужумлари мунтазам давом этмоқда.