Андижон вилоятининг Асака туманида олти туп чинор ноқонуний кесилгани аниқланди.
Кўп йиллик дарахтлар “Янгиобод” МФЙ ҳудудида кесилган бўлиб, Андижон вилоят прокуратураси, вилоят Миллий гвардия бошқармаси ҳамда вилоят Экология, атроф-муҳитни муҳофаза қилиш ва иқлим ўзгариши бошқармаси ходимлари томонидан ўтказилган назорат рейд тадбирлари давомида аниқланган.
Ўтказилган суриштирувлар давомида мазкур чинорлар кесилиши бўйича қонунчиликда белгиланган тартибда тегишли рухсатномалар олинмагани, “Ўсимлик дунёсини муҳофаза қилиш ва ундан фойдаланиш тўғрисида”ги қонуни талабларини қўпол равишда бузилгани ва бу билан ўсимлик дунёсига 317 050 000 сўм миқдорида зарар етказилгани маълум бўлди.
Ушбу ҳолат юзасидан Андижон вилоят прокуратураси томонидан Жиноят кодексининг тегишли моддалари билан жиноят иши қўзғатилди.
Изоҳ (0)