АҚШнинг F-16 қирувчи самолёти Жанубий Кореянинг ғарбий соҳиллари яқинида сувга қулаб тушди, учувчи самолётдан парашют билан сакраганидан кейин қутқариб олинди. Бу ҳақда Жанубий Кореянинг Yonhap агентлиги манбалари хабар берди.
Манбаларга кўра, қирувчи маҳаллий вақт билан тахминан 8:40 да (Тошкент вақти билан 4:40) Сеулдан 274 километр жанубда Кунсан яқинидаги сувга қулаган. Агентликнинг қайд этишича, Кунсан шаҳрида АҚШ ҳарбий-ҳаво кучлари базаси жойлашган эди.
“Қирувчи сувга қулаб тушди, қутқарилган учувчи хавфсиз жойда”, — деди суҳбатдошлардан бири.
Бу Америка қирувчисининг Жанубий Кореядаги ҳаво базаси яқинида биринчи ҳалокати эмас. Аввал Yonhap агентлиги F-16 самолёти ўқув парвози вақтида база яқинида қулаб тушгани ҳақида хабар берганди. Ўшанда ҳам учувчи омон қолган.
Изоҳ (0)