Ўзбекистонда 2023 йилнинг май ойида 0,5 фоизлик инфляция қайд этилди. Бу ўтган йилнинг шу даврига нисбатан икки баравар кўпдир. Бу ҳақда Статистика агентлиги хабар бермоқда.
Истеъмол нархлари йил бошидан бери 3,8 фоизга ошган. Йиллик инфляция 10,4 фоизни ташкил этиб, ўн икки ойлик энг паст даражага тушган.
Жорий йилнинг май ойи давомида товарлар ва хизматлар, озиқ-овқат, ноозиқ-овқат маҳсулотлари бўйича истеъмол нархлари ўсди — 0,5 фоизга.
Якунланган ойда нархлар ўсиши бўйича озиқ-овқат маҳсулотлари етакчи бўлди. Шундай бўлса ҳам, мазкур гуруҳ учун йиллик нархлар ўсиши 13 фоизгача секинлашди.
Май ойида озиқ-овқат маҳсулотларидан мевалар — 2,1 фоизга, балиқ — 2 фоизга ва гўшт 1,9 фоизга энг кўп қимматлашган. Сабзавотлар ўртача 5,4 фоизга, ёғ-мой маҳсулотлари 0,9 фоизга арзонлашди.
Йил давомида эса энг кўп гуруч нархи 57,5 фоизга, шакар нархи эса 40,6 фоизга ошган.
Ишлаб чиқариш маҳсулотлари йил бошидан буён 2,7 фоизга, ўтган май ойига нисбатан эса 8,4 фоизга қимматлашган.
Бир қатор тоифалар бўйича нархларнинг ўсиши секинлашган: масалан, кийим-кечак ва пойабзал ойига 0,4 фоиз ва йилига 7,1 фоиз, мебел ойига 0,3 фоиз ва 7,7 фоиз, маиший техника эса мос равишда 2,5 фоиз ва 8 фоиз.
Аввалроқ нархлар ўсиши секинлашаётгани, Ўзбекистонда йиллик инфляция 11 фоизгача пасайгани ҳақида хабар берилганди.
Изоҳ (0)