Россия банкининг янгиланган ҳисоб-китобларига кўра, 2023 йил 1 январь ҳолатига Россия Федерациясининг ташқи қарзи 380,5 миллиард долларни ташкил этди. 2022 йилда бу кўрсаткич 101,81 миллиард долларга камайди.
“Россия Федерациясининг ташқи қарзи асосан кредитларни тўлаш, шу жумладан, тўғридан тўғри инвестиция муносабатлари доирасида ва суверен қимматли қоғозлар бўйича қарзларнинг қисқариши ҳисобига камайди”, — дейилади регулятор баёнотида.
Қисқа муддатли мажбуриятлар умумий қарзда 69,19 миллиард долларни, узоқ муддатли мажбуриятлар эса 311,35 миллиард долларни ташкил қилади.
Россия ташқи қарзининг қисқариши кўпроқ халқаро молиявий ташкилотлар ушбу давлатга Украинадаги уруш сабаб қарз беришни тўхтатгани билан боғлиқ.
Урушдан сўнг бир йил ичида Украинанинг қарзи 120 млрд долларга яқинлашган. Йил охиригича бу кўрсаткич 170 млрд долларга етиши прогноз қилинмоқда.
Россия ва Украина ўртасида уруш бошлангандан кейин Украина АҚШ ва Европа Иттифоқидан қарз жалб қилишни кўпайтирди.
Изоҳ (0)