Шу кунларда Туркманистонда маҳаллий иқтисодиёт учун стратегик экин — пахта хом ашёсини экиш бошланди, деб хабар берди Туркманистон Қишлоқ хўжалиги вазирлиги вакили “Дарё”га.
“Жорий йилда 580 минг гектар майдондан 1 миллион 250 минг тонна пахта йиғиштириб олиш режалаштирилган”, — дейилади хабарда.
Анъанага кўра, экин экиш маросимига фахрий туркман оқсоқоллари таклиф қилинади.
Дунёнинг энг йирик пахта етиштирувчи ўнта давлатидан бири бўлган Туркманистон 2023 йилда экин майдонларини 40 минг гектарга қисқартирди. Мутахассисларнинг таъкидлашича, бўшатилган ер майдони картошка ва сабзавот етиштиришни оширишга йўналтирилади.
Пахтанинг катта қисми “Туркманистон савдо белгиси”га айланган тўқимачилик маҳсулотларини ишлаб чиқаришга сарфланади. Маҳаллий уй матолари, спорт кийимлари ва жинси шимлар баъзи Ғарб брендлари томонидан буюртма қилинмоқда ва WалМарт'нинг бутун дунёдаги дўконлар тармоғи орқали тарқатилмоқда.
Туркманистон давлат товар биржаси аукционларида ушбу маҳсулотларнинг нархи Ливерпуль пахта агентлигининг котировкаларига мувофиқ белгиланади.
Эзиз Бояров, Ашхобод
Изоҳ (0)