Ўзбекистонлик қатор мутахассислар ОФКнинг турли қўмиталари таркибидан жой олди

Осиё футбол конфедерацияси қўмиталарининг ваколат муддати 2023—2027 йилларни ташкил этувчи янги таркиби эълон қилинди.

Миллий Олимпия Қўмитаси бош котиби Ойбек Қосимов Осиё футбол конфедерациясининг юридик қўмитаси раиси ўринбосари лавозимига тайинланди.

Шунингдек, доимий қўмиталарнинг янги таркибидан ўзбекистонлик мутахассислар ҳам жой олди. Хусусан: 

Аваз Максумов — Ассоциациялар қўмитаси;
Жаҳонгир Усмонов — Футзал ва Соҳил футболи қўмитаси;
Бахтиёр Дадаматов — Техник қўмитаси;
Азиза Татлимуратова — Аёллар футболи қўмитаси;
Камолиддин Абдуллаев — Медиа ва коммуникациялар қўмитаси таркибига тасдиқланди.

Эслатиб ўтамиз, аввалроқ ЎФА биринчи вице-президенти Равшан Эрматов ОФК Ижроия қўмитасининг Марказий Осиё минтақасига сайланган ҳамда ташкилотнинг Ҳакамлар қўмитаси раиси ўринбосари лавозимига тайинланган эди.