Зилзила қурбонлари ортмоқда: Туркияда 76 киши, Сурияда қарийб 100 киши ҳалок бўлди (видео)

Туркиянинг жануби-шарқий вилоятларида 6 февраль куни эрталаб содир бўлган зилзила оқибатида 76 киши ҳалок бўлди, 440 киши жароҳатланди, деб хабар бермоқда TRT Фавқулодда вазиятлар бошқармаси маълумотларига таяниб.

Зилзила таъсир қилган Сурияда эса, мамлакат соғлиқни сақлаш вазири ёрдамчиси Аҳмад Дамириянинг айтишича, 99 киши ҳалок бўлди, яна 334 киши жароҳат олди. Аl-Hadath телеканали 100 дан ортиқ қурбонлар ҳақида ёзмоқда.

“Янгиланган маълумотларга кўра, 99 киши, жумладан, Латакияда 50 киши ҳалок бўлган. Барча вилоятларда 334 киши жабрланган”, — деди Дамирия ОАВга.

Ҳалаб шаҳри Сурия шимолида, Туркия билан чегара яқинида, Хама эса Ҳалабдан 120 километр жанубда жойлашган. Латакия Ўрта Ер денгизи соҳилида, Ҳалабдан 150 км узоқликда жойлашган. Суриянинг бошқа соҳил шаҳарлари ҳам зилзила оқибатлари ҳақида хабар қилмоқда. 

Зилзила эпимаркази Сурияда эмас, Туркияда, мамлакат жанубидаги Искендерун вилоятида бўлган. Сурия Миллий сейсмология маркази раҳбари Раед Аҳмаднинг айтишича, у ердаги силкинишлар 7,7 баллга етган, сўнг икки давлат чегарасида 6,4 балл ва ундан кучсизроқ ер силкинишлари қайд этилган. Аҳмад зилзила 1995 йилдан бери энг кучли бўлганини таъкидлади.