Марказий банк Ўзбекистонда ички валюта бозорининг 2022 йил ҳолати бўйича шарҳини тақдим қилди.
-6.jpg)
Унга кўра, ўтган йили аҳоли томонидан банкларга 11,9 млрд доллар миқдорида хорижий валюта сотилган бўлса, 8,9 млрд долларлик валюта сотиб олинган. Аҳоли 2021 йилга нисбатан қарийб икки баробар кўп чет эл валютасини сотиб олган.
Шунингдек, йил давомида жисмоний шахсларнинг хорижий валюта таклиф ҳажми унга бўлган талаб ҳажмидан 2,9 млрд долларига ортиқ бўлган.
Бундан ташқари, 2022 йилда халқаро пул ўтказмалари орқали Ўзбекистонга 16,9 млрд доллар миқдорида валюта маблағлари келиб тушган бўлиб, ушбу кўрсаткич ўтган йилларга нисбатан сезиларли даражада ошган. (2020 йилда 6 млрд доллар ва 2021 йилда 8,1 млрд доллар).
Ушбу ҳолат қуйидаги омиллар билан изоҳланади:
- аввал юклаб жўнатилган маҳсулотлар (кўрсатилган хизматлар) (дебитор қарздорлик) бўйича тўловлар ҳамда экспорт учун олдиндан тўланган бўнакларнинг ошиши;
- Россиядаги геосиёсий вазият таъсирида (капитални сақлаб қолиш мақсадида) мамлакатдан чиқиб кетган валюта маблағларининг айрим қисмини экспорт тушумлари кўринишида ҳамда импорт шартномалари бўйича олдиндан тўлов сифатида Ўзбекистонга кириб келиши;
- Россия ҳукумати томонидан “параллел” импортга рухсат берилиши ва Россия компаниялари томонидан Европа билан боғлиқ бўлган импортни Марказий Осиё, хусусан Ўзбекистон орқали амалга ошираётганлиги.
Изоҳ (0)