Октябрь ойида АҚШда инфляция йил бошидан бери энг паст даражага етди

АҚШ Меҳнат статистикаси бюроси ҳисоботига кўра, октябрь ойида мамлакатда истеъмол нархлари индекси (CPI) 7,7 фоизга ошди. 

Бу йил бошидан бери нархларнинг минимал ўсишидир. Бундан ташқари, октябрь ойида инфляциянинг ўсиши амалда таҳлилчилар кутганидан камроқ бўлиб чиқди.

Ўтган ойда CPI йиллик ўсиши сентябрь ойига нисбатан 0,5 фоизга паст бўлди. Сентябрга нисбатан АҚШда нархлар октябрь ойида 0,4 фоизга ошган. Шундай қилиб, ойлик ўсиш сентябрь ойидаги каби бўлди.

Шу билан бирга, ёнилғи ва озиқ-овқат маҳсулотлари нархларининг ўзгарувчанлигини ҳисобга олмаган базавий инфляция кўрсаткичи октябрь ойида йиллик кўрсаткичда 6,3 фоизга ошди. Ўтган ойга нисбатан ўсиш 0,3 фоизни ташкил этди.

Аввалроқ АҚШда кейинги 12 ой ичида рецессия бўлиши кутилаётгани ҳақида хабар берилган эди. 

Инвесторларнинг фикрича, Фед инфляция динамикасига жавобан пул-кредит сиёсатини ҳаддан ташқари қаттиқлаштириши мумкин, бу эса АҚШ иқтисодиётини узоқ давом этадиган рецессияга олиб келади.