Хоразм вилояти Урганч шаҳрида ишга киритиб қўйиш эвазига пул талаб қилган шахс ушланди. Бу ҳақда Ички ишлар вазирлиги хабар қилди.
Қайд этилишича, 30 август куни Хоразм вилояти ИИБга С.С. исмли шахс ариза билан мурожаат қилган. У Урганч темир йўл ташкилотида ишловчи А. исмли шахс ўзининг мансабдор танишлари орқали уни темир йўл идораларидан бирига ишга киритиб қўйиш эвазига 3 минг доллар пул талаб қилаётганини ёзиб, унга нисбатан қонуний чора кўришни сўраган.
Аризага асосан тадбир ўтказилган. Жараён давомида Урганч туманида яшовчи Р.А. (1996 йилда туғилган) аризачи фуқаро С.С.дан олдиндан келишилган 3 минг доллар пулларни Урганч шаҳридаги чойхонада олган вақтида ушланган.
Мазкур ҳолат юзасидан терговга қадар текширув ҳаракатлари олиб борилмоқда.
Изоҳ (0)