Наманган вилояти Янгиқўрғон туманида жойлашган бўш турган дам олиш маскани кимошди савдосида сотилди. Маълумотлар «E-auksion» порталида эълон қилган.
Ер участкасининг умумий майдони — 3,9 гектар. Бинонинг майдони — 2 217 квадрат метр. Унда сув ва электр таъминоти бор. Газ ва канализация тизими мавжуд эмас.
Аукционга қўйилган активнинг бошланғич баҳоси — 5,1 млрд сўм эди. Савдолар 1 август куни 10:00 да ўтказилди ва ер 5,4 млрд сўмга сотилди.
Ғолиб сифатида «Наманган мукаммал таъминот» корхонаси кўрсатилган. Кимошди савдоси 10 дақиқа давом этган.
Аввалроқ Қашқадарёдаги молхона аукционда қарийб 500 миллион сўмга сотилгани ҳақида хабар берилганди.
Изоҳ (0)