Fitch халқаро рейтинг агентлиги Украинанинг узоқ муддатли дефолт рейтингини CCC дан C га (дефолтдан олдинги даража) туширди.
Қарор Киевнинг кредиторлар билан давлат қарзи бўйича тўловларни икки йилга кечиктириш бўйича музокаралар олиб бориш режалари билан боғлиқ. Агентлик ушбу рейтинг чекланган дефолтга пасайишини истисно қилмайди.
Fitch’нинг фикрича, Украина ўз ҳудудида ҳарбий ҳаракатлар давом этаётгани сабабли давлат қарзини тўлаш муддатини қайта кўриб чиқишга муҳтож.
Агентлик маълумотларига кўра, Украина давлат қарзи 2022 йилда 48 фоиз пунктга ошиб, ЯИМнинг 92 фоизини, 2023 йилда эса 103 фоизни ташкил этади.
Fitch 2022 йилда Украина иқтисодиёти 33 фоизга қисқаришини башорат қилмоқда. 2023 йилда ялпи ички маҳсулотнинг ўсиши 4 фоизни ташкил этиши кутилмоқда. 2022 йил охирига келиб инфляция 30 фоизга кўтарилиши мумкин.
Февраль охирида Россия ҳарбий амалиёти бошланганидан кейин Fitch Украина рейтингини B дан CCC га туширган эди.
Изоҳ (0)