Наманган вилояти ҳокими Шавкат Абдураззақов Россиянинг «Аэропорти Регионов» холдинги вакиллари билан учрашди. Бу ҳақда «Дарё» мухбири Азизбек Абдувалиев хабар бермоқда.
Учрашувда Наманган халқаро аэропортини ривожлантириш истиқболлари ҳамда бу борада «Аэропорти Регионов» холдингининг шериклик иштироки имкониятлари кўриб чиқилди.
Холдинг бош директори ўринбосари Сергей Краснов бошчилигидаги меҳмонлар томонидан Наманган халқаро аэропортини янада кенгайтириш ҳамда модернизация қилиш истиқболли лойиҳа экани қайд этилди.
Келгусида Наманган аэропортини Европа ва Осиё ўртасида халқаро транзит хабига айлантириш, қўшимча карго терминали барпо этиш орқали юк ташиш ҳажмини ошириш имкониятлари юқори баҳоланди. Шунингдек, водий вилоятлари учун ягона йирик халқаро аэропорт қуриш лойиҳаси юзасидан ҳам фикр алмашилди.
Мавзуга доир:
Изоҳ (0)