Жо Байденнинг қизи коронавирусга чалинди
АҚШ президенти Жо Байденнинг қизи Эшли коронавирусга топширган тест мусбат натижа қайд этди, дея хабар берган Оқ уй матбуот хизматига таяниб ABC News.
Эшли Байден АҚШнинг биринчи хоними Жилл Байден билан биргаликда Лотин Америкасига саёҳатга кетиши керак эди, аммо у учун мазкур сафар бекор қилинади. Биринчи хонимнинг матбуот котиби Майкл ЛаРозанинг айтишича АҚШ президентининг қизи Эквадор, Панама ҳамда Коста-Рикага боришни режалаштирилганди.
Оқ уй сўнгги вақтларда Эшлининг отаси билан кўришгани ёки учрашмагани борасида расмий маълумот бермаган.
Май бошида АҚШ давлат котиби Энтони Блинкен коронавирусга топширган тест мусбат чиққанди. АҚШ давлат департаментининг вакили Неда Прайс Блинкен бустер вакцинасини тўлиқ олгани ва COVID-19’нинг кучсиз белгилари кузатилганини таъкидлаган. АҚШ давлат котиби ҳам коронавирус аниқланишидан аввал тест натижаси чиққунига қадар бир неча кун давомида Байден билан шахсан учрашмаган. Блинкен карантинга олинган, у бир неча кун давомида масофадан иш фаолиятини олиб борган. Шунингдек, миллиардер Билл Гейтс ҳамда НАТО бош котиби Йенс Столтенбергда ҳам коронавирус аниқланган.
