Қиш, куз ва ҳатто баҳорда мамлакатнинг деярли барча аҳолиси D витамини етишмовчилигини бошдан кечиради. Бундай вазиятда D витаминини танқислигининг олдини олишнинг бошқа усуллари мавжуд.

Ёз фаслида D витаминининг кунлик дозасини олиш учун қуёшда 10-15 дақиқа юриш кифоя. Аммо куз, қиш ва баҳорнинг биринчи ярмида бу иш бермайди. Қуйида тавсия этиладиган маҳсулотлар D витамини танқислигини қоплашга ёрдам беради ҳамда саломатлик ва энергия даражасини сақлаб қолади.

Қўзиқоринлар

Атиги 100 грамм қўзиқорин кунлик эҳтиёжни қондира оладиган D витаминини ўз ичига олади. Шунинг учун уларни овқатларга қўшинг ёки мустақил таом истеъмол қилиш мумкин.

Лосось 

Лосось балиғи бу фойдали витаминлар бўйича шубҳасиз чемпиондир. Танадаги «қуёш» витаминининг керакли даражасини сақлаб қолиш учун ҳафтада бу балиқдан икки порция истеъмол қилиш кифоя.

Палтус

Бу балиқнинг 100 грамми D витаминининг кунлик қийматининг 250 фоизини ўз ичига олади. Шунингдек, юрак ва қон томирлари саломатлиги учун зарур бўлган соғлом ёғ кислоталарига ҳам бой.

Қисқичбақа

100 грамм қисқичбақа D витаминининг кунлик қийматининг учдан бир қисмини ташкил қилади. Асосийси, бу соғлом денгиз маҳсулотларининг бир қисмида туз кўп бўлмаслигига ишонч ҳосил қилишдир. Ортиқча натрий юрак ва бошқа муҳим органлар саломатлиги учун жуда хавфлидир.

Тухум

Тухум билан D витаминига бўлган эҳтиёжни тўлиқ қоплаб бўлмайди, чунки бир дона тухумдаги витаминнинг кунлик қиймати атиги 4 фоизга тенг, лекин уларни қўшимча сифатида истеъмол қилиш мумкин. Тухумни ўз ичига олган нонушта эрталабки овқат учун энг фойдали вариантлардан биридир.

Пишлоқ

100 грамм пишлоқ D витаминига бўлган кунлик эҳтиёжнинг 3 фоизини қоплайди. Пишлоқни мунтазам истеъмол қилиш инсульт хавфини камайтиришга, қон томирлари ва юрак соғлиғини сақлашга ёрдам беради.