Тошкент шаҳри Олмазор туманида 5 та автомашина иштирокида йўл-транспорт ҳодисаси содир бўлди. Бу ҳақда «Навбатчилик қисми» кўрсатувида маълум қилинди.
Олмазор тумани Тошкент ҳалқа автомобиль йўлида пиёдани белгиланмаган жойдан ўтиши оқибатида 5 та автомобиль оралиқ масофани сақлай олмай тўқнашган. Ҳеч бир ҳайдовчи тан жароҳати олмаган.
«Елим идиш кўтарган 50 ёшли одам йўлимни кутилмаганда кесиб ўтди. Шунда қаттиқроқ тўхтаб юбордим», — дейди Damas ҳайдовчиси.
5 та автомобиль — икки Damas, Spark, «Газель» ҳамда Malibu турли даражада шикастланган.
Бундан аввал Чироқчида икки Nexia тўқнашувида 3 нафар йўловчи ҳалок бўлгани, Паркентда тормози ишдан чиққан Howo юк машинаси 7 та автомобиль билан тўқнашгани ҳамда Тошкентда 20 ёшли аёл бошқарувидаги Tracker уриб кетиши оқибатида 56 ёшли пиёда воқеа жойида вафот этгани ҳақида хабар берилганди.
Изоҳ (0)