Самарқанд ва Қаршида ўтказилган тезкор тадбирларда ноқонуний ер сотиш билан боғлиқ ҳолатларнинг олди олинди. Бу ҳақда «Дарё»га ДХХ матбуот хизмати хабар қилди.
Қайд этилишича, Самарқандда фуқаро хотинининг номига 2020 йил июлида аукцион орқали Жомбой туманидаги 2 гектар ер майдонини сотиб олади. У ерни 2 йилда 1 миллиард сўм инвестиция киритиш шарти билан олади.
Муқаддам ИИО ва солиқ идораларида раҳбар лавозимларида ишлаган мазкур шахс ушбу ер майдонининг 40 сотихини ҳокимиятдаги танишлари орқали кадастр ҳужжатларини расмийлаштириб, харидор номига ўтказиб бериш учун 19,5 минг АҚШ доллари талаб қилган.
У олдиндан 15 минг АҚШ долларини олган вақтида тезкор тадбирда қўлга олинди.
Қарши шаҳрида эса Қарши тумани ҳокимлигида қишлоқ хўжалиги бўлими мутахассиси бошқарувидаги фермер хўжалиги балансидаги 9 гектар сувли ер майдонини 9,5 минг АҚШ долларига сотган вақтида қўлга олинди.
Аниқланишича, у муқаддам фирибгарлик жинояти билан судланган.
Ҳозирда ушбу шахсларга нисбатан Жиноят кодексининг тегишли моддалари билан жиноий иш қўзғатилиб, тергов олиб борилмоқда.
Бундан аввал Бухорода фуқародан пул талаб қилган сохта Миллий гвардия ходими қўлга олингани, Тошкентда сержантлар тайёрлаш мактабига 12 минг долларга ўқишга киритиб қўймоқчи бўлганлар ушлангани ҳамда Андижонда ўғлининг фермер хўжалигига тегишли 10 сотих ерни 6 минг долларга сотмоқчи бўлган шахс қўлга олингани ҳақида хабар берилганди.
Изоҳ (0)