UzAuto Motors янгиланган Lacetti Redline автомобилини тақдим этди. Машина ойналари заводдан «тонировка» билан чиқарилади (фото, видео)

UzAuto Motors Lacetti’нинг янги Redline моделини ишлаб чиқаришни бошлайди. Бу ҳақда компания бўлими бошлиғи Мақсуд Абдуҳакимов «Дарё» мухбирига берган интервьюсида маълум қилди.

Лойиҳаларни бошқариш бўлими бошлиғининг маълум қилишича, Lacetti Redline дискалари қорайтирилган ҳолда чиқарилади. Ойналарнинг туси ҳам ўзгартирилган («тонировка») бўлади.

Машина интерьерида ҳам ўзгаришлар бўлган. Чехол заводдан қўйилади. Интерьер ранглари ҳам қора ва қизил (Redline) аралашмасида бўлади.

Шунингдек, автомобиль завод томонидан камера билан жиҳозланган. Орқага ҳаракатланиш вақтида орқа камера ёқилади. Бар ҳам олдинроққа чиқарилган. Фаралар ҳам янгича услубда ишланган.

UzAuto Motors директори вазифасини вақтинча бажарувчи Рустам Ражабовнинг айтишича, ушбу хизматлар учун қўшимча ҳақ олинади. Ҳозирча ушбу хизматларнинг қиймати аниқ эмас. Моделларни ишлаб чиқариш 6 ойдан сўнг (августда) йўлга қўйилади.

Бундан аввал Ўзбекистонда Spark, Nexia, Cobalt ва Lacetti хариди учун шартнома бериш 3 мартдан қайта тикланиши, Ўзбекистонда Chevrolet Onix 9-12 минг доллар атрофида сотилиши кутилаётгани ҳамда Ўзбекистонда ҳар 100 та уй хўжалигига қанча автомобиль тўғри келиши маълум қилингани ҳақида хабар берилганди.