Футбол бўйича Евро—2020 мусобақаси саралаш босқичи 7-тури доирасида 10 октябрь, пайшанба куни гуруҳларда бир нечта ўйинлар бўлиб ўтди.
«C» гуруҳидан ўрин олган баҳсда Рональд Куман қўл остидаги Нидерландия терма жамоаси ўз майдонида Шимолий Ирландия термаси билан баҳсга киришди.
Беллашувда меҳмон жамоа ҳужумчиси Жош Маженнис (75) томонидан урилган голга нидерландияликлар Мемфис Депай (80, 90) ҳамда Люк де Йонг (90)нинг голлари билан жавоб қайтарди.
Шу тариқа Нидерландия ўз уйида кечган баҳсда Шимолий Ирландияни 3:1 ҳисобида мағлубиятга учратди ва муҳим 3 очкога эга бўлди.
Мазкур ғалабадан сўнг Нидерландия очколари сонини 12 тага етказиб олди ва гуруҳда етакчиликни ўз қўлига олди. Шимолий Ирландия эса худди шунча очко жамғарган ҳолда 3-ўринни эгаллаб турибди.
«C» гуруҳидаги ҳолат:
Шу куни «E» гуруҳида Златко Далич бошчилигидаги Хорватия термаси Венгрияга қарши майдонга тушди.
Ўйин давомида мезбон жамоа етакчиси Лука Модрич (5) ҳисобни очган бўлса, ҳужумчи Бруно Петкович (24, 42) ўз ҳисобига 2 та гол ёздириб қўйди.
Натижада Хорватия Венгрияни 3:0 ҳисобида таслим қилди ва 3 очкога эга бўлди.
Маълумот учун, хорватияликлар 13 очко тўплаб гуруҳда пешқадамлик қилмоқда. Венгрия эса 9 очко билан 3-ўринда бормоқда.
«E» гуруҳидаги вазият:
«I» гуруҳида эса Роберто Мартинес бошлиқ Бельгия терма жамоаси ўз уйида Сан Маринони синовдан ўтказди.
Учрашув давомида Бельгия термаси вакиллари Ромелу Лукаку (28, 41), Носир Шадли (31), Юри Тилеманс (45), Кристиан Бентеке (79), Яри Версхарен (84, пенальти) ва Тимоти Кастань (90) бирин-кетин рақиб дарвозасини ишғол қилган бўлса, меҳмон жамоа аъзолари Кристиан Бролли (35) ҳамда Андреа Грандони (43) автогол муаллифига айланди.
Шу тариқа Бельгия Сан Марино дарвозасига жавобсиз 9 та гол уриб, йирик ҳисобда ғалаба қозонди.
Қайд этиш жоиз, белгияликлар 21 очко жамғариб гуруҳда биринчи ўринни банд қилиб турибди. Сўнгги ўринда бораётган Сан Марино эса бирорта ҳам очко йиға олмади.
«I» гуруҳидаги ҳолат:
Евро—2020
Саралаш босқичи
7-тур баҳслари
10 октябрь, пайшанба
«C» гуруҳи
Беларусь—Эстония 0:0
Нидерландия—Шимолий Ирландия 3:1
Голлар: 0:1 — 75 Маженнис, 1:1 — 80 Депай, 2:1 — 90 де Йонг, 3:1 — 90 Депай«E» гуруҳи
Хорватия—Венгрия 3:0
Голлар: 1:0 — 5 Модрич, 2:0 — 24 Петкович, 3:0 — 42 ПетковичСловакия—Уэльс 1:1
Голлар: 0:1 — 25 Мур, 1:1 — 53 Куцка«G» гуруҳи
Австрия—Исроил 3:1
Голлар: 0:1 — 34 Захави, 1:1 — 41 Лазаро, 2:1 — 56 Хинтереггер, 3:1 — 88 ЗабитцерШимолий Македония—Словения 2:1
Голлар: 1:0 — 50 Элмаз, 2:0 — 68 Элмаз, 2:1 — 90, пенальти ИличичЛатвия—Польша 0:3
Голлар: 0:1 — 9 Левандовски, 0:2 — 13 Левандовски, 0:3 — 76 Левандовски«I» гуруҳи
Қозоғистон—Кипр 1:2
Голлар: 1:0 — 34 Ерланов, 1:1 — 73 Сотериу, 1:2 — 84 ИоаннуБельгия—Сан Марино 9:0
Голлар: 1:0 — 28 Лукаку, 2:0 — 31 Шадли, 3:0 — 35, автогол Бролли, 4:0 — 41 Лукаку, 5:0 — 43, автогол Грандони, 6:0 — 45 Тилеманс, 7:0 — 79 Бентеке, 8:0 — 84, пенальти Версхарен, 9:0 — 90 КастаньРоссия—Шотландия 4:0
Голлар: 1:0 — 57 Дзюба, 2:0 — 60 Оздоев, 3:0 — 70 Дзюба, 4:0 — 84 ГоловинЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)