«MAN Auto-Uzbekistan» қўшма корхонаси Афғонистонга илк экспортни амалга оширди. Бу ҳақда «Ўзавтосаноат» матбуот хизмати хабар берди.
Харидлар бўйича миллий идора Кобул ҳокимлигига MAN CLA автосамосвали ва MAN CLA сув ташувчи автоцистерналарни топширди ва техникалар аллақачон тўлиқ қувват билан муваффақиятли ишлатилмоқда.
«Қайд этиш жоизки, бугунги кунда «MAN Auto-Uzbekistan» МЧЖ Қозоғистон, Тожикистон, Грузия, Озарбойжон ва Украинага техника экспорт қилмоқда», — дейилади хабарда.
«MAN Auto-Uzbekistan» МЧЖ қўшма корхонаси ҳозирда Ўзбекистон автомобиль тармоғининг энг устувор лойиҳаларидан бири бўлиб, унинг асосий йўналиши Ўзбекистон ва қўшни Марказий Осиё мамлакатлари бозорлари учун MAN тижорий юк машиналарини ишлаб чиқариш ва сотишдан иборат.
Изоҳ (0)