Олий маълумот олганлик ҳақидаги диплом ишга жойлашишни кафолатламаслиги керак, дейди «Daryo.uz» билан суҳбатда ўзбекистонлик мутахассис, «Буюк келажак» гуруҳи эксперти, Жанубий Кореянинг Пусан чет тиллар университети профессори Азамат Акбаров.

Азамат Акбаров шу кунларда Ўзбекистонда бўлиб турибди ҳамда соҳа мутахассисларининг гуруҳ доирасидаги муҳокамаларида иштирок этмоқда.

«Университетлар ўз намуналарига кўра диплом беришлари лозим. Университетлар ўз мавқелари, билимлар сифати, профессор-ўқитувчилар таркиби билан кафолат беришлари лозим, ва давлат нусхасидаги дипломлар бекор қилиниши керак, чунки бу омил ҳам олий таълим сифатига таъсир қилади», — дейди мутахассис.

Акбаровнинг айтишича, таълим тизимида сертификация жуда муҳим масалалигича қолмоқда. Сифатни таъминловчи чора сифатида қараладиган ва миллий квалификация тизимининг ўта муҳим элементларидан бири бўлмиш сертификация ўтказиш тартиби жорий қилишини лозим.

«Бу борада бизда муаммолар мавжуд, – дейди у. — Бизда профессионал стандартларнинг етарли сони йўқ, махсус сертификация марказлари етарлича тайёрланмаган, ва шу сабабдан бизда ечилиши лозим бўлган муаммолар талай. Диплом бўлса, жуда ҳам яхши, аммо диплом эгаси ўзига муайян квалификация берилганлиги ҳақида сертификат ҳам олиб келиши лозим. Мутахассис ушбу тизим аллақачон бир неча мамлакатларда амал қилаётганини таъкидлаб ўтди».