Парижда 1987 йилги Ferrari пойга автомобили 4,3 млн еврога сотилди

Парижда Sotheby’s аукционида 1987 йилда ишлаб чиқарилган супер ретро Ferrari F40 LМ автомобили сотилди. Бу ҳақда Sputnik хабар қилди.

Ушбу савдолар ҳар йили ретро автомобиллар салон кўргазмасида ўтказилади.

Ушбу аукционга жами 90 та лот қўйилган. Улар ичида турли йилларда ишлаб чиқарилган Ferrari, Porsche, BMW, Bugatti автомобиллари бор.

Ferrari автомобилининг нархи 4,3 миллион евро деб баҳоланди.

Ушбу суперкар Michelotto компанияси томонидан лойиҳалаштирилган. У 1995—1996 йилларда икки марта машҳур «Ле-Мана 24 соат» пойгаларида қатнашди. 1995 йилда Anderstorp 4 Hours пойгасида ғолиб бўлди.

Шу билан бирга, 1966 йилда ишлаб чиқарилган Ferrari 275 Gtb/6 C автомобили 2,9 миллион евро ва Porsche 550 RS Spyder 2,7 миллион еврога сотилди.